Solund sitt ansikt utad

Job title:

Solund sitt ansikt utad

Company

SOLUND KOMMUNE SENTRALADMINISTRASJON

Job description

Solund kommune har behov for fleire tilsette i Staben. Staben løyser ulike oppgåver for innbyggjarane og tilsette i Solund kommune og er i mange samanhengar den fyrste ein treff på i møte med kommunen. Det er difor viktig at du er serviceinnstilt og imøtekommande.Staben løyser oppgåver innan:

• Arkiv
• Økonomi og innkjøp
• Politisk sekretariat
• Beredskap
• Informasjonsarbeid
• IT og digitalisering
• Med meir

Vi forventar ikkje at ein enkelt person kan hjelpe oss på alle desse områda, men vonar at vi i lag med aktuelle søkjarar og dei flinke tilsette som allereie er i Staben skal løyse dette i fellesskap. Fleire av dei tilsette i Staben nærmar seg pensjonsalder så fordeling av arbeidsoppgåver hjå oss vil endre seg i åra som kjem. Solund kommune har også for tida utlyst stilling som personalmedarbeidar og arbeidsoppgåver knytt til den stillinga kan verte aktuelt.Du har gjerne høgare utdanning relevant for arbeidsområda, men fagbrev til dømes i service- og administrasjonsfaget kan og vere aktuelt. Vi nyttar saks- og arkivsystem frå Acos og økonomisystem frå Visma, så kjennskap til desse systema er ein fordel. Det er også positivt om du kjenner Solund kommune frå før, men vi vert gjerne kjent med nye kollegaer. Vi tilbyr:

• Variert, tverrfagleg samarbeid
• Løn iflg. tariff
• Kjekke kollegaer
• Fleksitid og moglegheit for delvis heimekontor
• I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varer frå den dagen du sluttar å jobbe og livet ut.

Om dette verkar spanande og du har relevant utdanning eller erfaring, slå gjerne på tråden til stabsleiar Amund. Han gler seg til å høyre frå deg! Vi gjer merksam på at søkjarliste er offentleg informasjon. Du kan be om at namnet vert unnateke offentlegheit, men då må du grunngje dette skriftleg, jf. § 25 i offentleglova. Om kommunen ikkje kan innvilge søknaden, vil du bli varsla før søkjarlista vert ferdigstilt.Solund kommune har vurdert marknadsføring av stilling, og ynskjer berre kontakt med søkjarar.
Link til søknadsskjema:Kontaktperson for stillingenAmund Aglen+47 404 92 908Kopier telefonnummerKopier e-postadresseOm bedriftenSolund er eit øyrike ytst i Sognefjorden. Vi har gode kommunikasjonar til fastlandet, inkl. hurtigbåt til Bergen. Sjøen er ein del av både sjela og landskapet i Solund. Aktivitetar knytt til sjøen er mange og rett utanfor døra, enten det er båtliv, kajakkpadling eller fiske. I nybygde Solund Idrettspark finn du kunstgrasbane, friidrettsanlegg, skatepark, klatrepark, discgolfbane og nytt treningsstudio. Vi har òg idrettshall med symjebasseng, eit aktivt skyttarlag, idrettslag, karateklubb, turlag, skulemusikk, kulturskule og mykje meir. Merka turstiar finn du rundt om i heile kommunen. I Solund investerer vi for framtida. I løpet av dei neste åra skal vi bygge ny ungdomsskule, binde saman kommunen ved å realisere Ytre Steinsund bru og fortsette utbygginga av breiband. Klikk på lenkja for å sjå ei film om det flotte øyriket vårt: http://www.youtube.com/watch?v=E3RbqQhfrQQSektorOffentlig

Expected salary

Location

Hardbakke, Vestland

Job date

Thu, 24 Apr 2025 22:35:02 GMT

To help us track our recruitment effort, please indicate in your email/cover letter where (jobsineu.net) you saw this job posting.